EWian sin hjemmeside

Alt går, enten går det bra eller så går det over.

Den bakvende visa

Eg beisla min støvel og sala mitt sverd,

så batt eg mera med sida,

så reidde eg meg til kattemordsferd,

sku’ standa den farlege strida.

 

Eg låg og eg datt, eg drøymde i natt,

eg tykte den visa var bakvend radt.

 

Og reven var raud og ikorn var snau

det var to dyr uti skogen,

Det stod to ikorn og tamde ein bjørn:

dei ville vel ha han for plogen.

 

Eg låg og eg datt, eg drøymde i natt,

eg tykte den visa var bakvend radt.

 

Og laksen opp i furutopp,

han braut smålauvet av greiner,

og ikorn ned på havsens botn

skulle bryta opp store gråsteinar

 

Eg låg og eg datt, eg drøymde i natt,

eg tykte den visa var bakvend radt.

 

Snigelen låg oppå høyge hei

og stanga ned skya med horna

Og reven hadde fått foteverk,

No kom han ’kje heimatt til borna.

 

Eg låg og eg datt, eg drøymde i natt,

eg tykte den visa var bakvend radt.

 

Kobben han var gjætar- svein,

han skulle gå etter sauom.

Der stod ein stein på fire bein,

han sat og tov seg i augom.

 

Eg låg og eg datt, eg drøymde i natt,

eg tykte den visa var bakvend radt.

 

Så kom det fram ei gråsala geit,

var avhogne alle tre beina.

Så sende dei henne til Dovrefjell

å verja mot alle gråbeinar.

 

Eg låg og eg datt, eg drøymde i natt,

eg tykte den visa var bakvend radt.

 

 

So kom det fram ein gammal blind mann,

skulle sjå kor det leid no med tida,

og månen han gol og stjernene song,

og gauken han skein bort i lia.

 

Eg låg og eg datt, eg drøymde i natt,

eg tykte den visa var bakvend radt.

 

Så gjekk eg meg til kyrkjehus,

der stod to messar og presta,

det brann ein klokkar og song to ljos,

det ringde to raudmåla hestar.

 

Eg låg og eg datt, eg drøymde i natt,

eg totte den visa var bakvend radt.

T/M: Norskfolkevise